Bhootiya Lift Ki Kahani | Real Horror Story in Hindi | Adnan Dark Tales
Yeh ghatna Mumbai ki ek multi-story IT building ki hai. Mera ek dost hai Rahul, jo ek badi company mein night shift mein kaam karta tha. Us din raat ke theek 2:15 baje the. Rahul apna kaam khatam karke ghar jaane ke liye nikla. Poori floor par sannaata tha kyunki baaki sab log ja chuke the. Rahul lift ke paas gaya aur usne Ground Floor (G) ka button dabaya. Lift ka darwaza khula aur wo andar chala gaya. Lift dheere-dheere niche aane lagi... 5th floor... 4th floor... Lekin jaise hi lift 3rd floor par pahunchi, wo ek jhatke sath ruk gayi. Rahul ne socha shayad koi technical dikkat hogi, usne baki buttons dabane shuru kiye, par koi button kaam nahi kar raha tha. Tabhi, lift ke andar ki lights jhatpataane (flicker) lagi aur halka sa sannaata chha gaya. Rahul ne lift ka emergency phone uthane ki koshish ki, par tabhi lift ka darwaza apne aap khul gaya. Saamne poori floor par andhera tha , sirf ek purani tube-light jal-bujh rahi ti. Rahul ne socha wo seedhiyon se chala jay...